Pulo dende Vigo para a web dos seis millóns de topónimos
luns, 28 de marzo do 2011
- Salustiano Mato, reitor da Universidade de Vigo, e Carlos Méixome, director do Instituto de Estudos Miñoranos
Sen Rede non hai
posibilidade de preservar a nosa cultura, incluÃndo a extensa serie
de nomes de lugar que atesouramos, tan longa (no caso de sermos
exhaustivos) como se poida imaxinar. Poñela en valor e evitar que
este rico patrimonio se perda coa desaparición da xente que o usa e
o coñece, é un dos obxectivos dunha iniciativa da Universidade de
Vigo que a partir de agora contará co apoio do Instituto
de Estudos Miñoranos. Esta
arela compartida concretarase no desenvolvemento dunha páxina web
sobre microtoponimia e talasonimia, e máis nunha topopedia, tarefas
que contarán coas achegas documentais do Instituto. Estes servizos,
que serán activados en breve, achegaranlle á comunidade internauta
a posibilidade ter máis de seis millóns de termos galegos a un
golpe de rato. Asemade, terán utilidade para os investigadores, que
poderán facer buscas de moi diferentes xeitos, mesmo por sufixos.
A iniciativa insÃrese
nun triplo acordo de colaboración entre ámbalas dúas entidades. A
participación do Instituto con sede na vila de Gondomar será ben
clara: colaborará cedendo todo o material recollido nos últimos
anos a cambio do asesoramento dos investigadores da institución
educativa galega.
Con este acordo, informa a Universidade de Vigo,
o IEM traballará na recollida exhaustiva de materiais para
enriquecer e completar a web desenvolvida pola vicerreitorÃa de
Extensión Universitaria, pero tamén para ligar o Campus do Mar ao
eido cultural. Asemade, os convenios inclúen traballos compartidos
de estudo etnográfico, arqueoloxÃa e investigación da historia
antiga. Xa nun eido máis concreto, o instituto miñorano achegará
asesoramento, entre outras cousas, para as escavacións do xacemento
neolÃtico do Monte das Pedreiras e no Monte das Cabanas.